英國人真係好鍾意講sorry

相信好多人都會認為西方好多國家都係文明禮儀之邦(相比起某啲泱泱大國更是),但零零舍舍英國人我覺得係尤其誇張。

其中一樣我覺得最值得一提嘅係無論佢地有冇做錯野或者對唔住人,佢地都會率先撻出一句:Sorry!

係某啲機緣巧合下,小弟結識到唔少嚟自英倫大陸嘅人,老中青咩年齡階層都有。係某一次嘅飯聚,有位侍應行入嚟上菜,奇妙嘅事情就係咁發生。

嗰位傳菜員上菜嘅時候唔知佢失平衡定做乜事,成盤菜就咁同一個坐咗係到嘅外國朋友炒埋一碟。

我本身係以為個老外會大聲說一句:忽腰!或者情不自禁地講一聲:洩池!溫和啲嘅都可能係啤住佢。

Sorry Sorry!但我最估唔到嘅係聽到呢句。

而且佢唔止係講一兩句,佢之後隔幾秒就會帶著疚意嘅聲線同收拾緊殘局嘅侍應講Sorry。

而佢全程個樣都好有歉意,並無絲毫責怪之意。

我嗰陣坐係對面,幫唔到手亦冇野可以幫手。

但如果個場面係換轉成我結識咗幾位「泱泱大國」嘅子民,然後飯聚,再遇上同樣情況,個對話應該會係:

「你這個孬種走路不帶眼耶!信不信我投訴你啊!我這件衣服啊,名牌來著,你賠不起啊!」

而香港嘅人民,亦可能會黑晒面口咁抹返乾淨,同埋記低個侍應嘅名同號碼,以傳承香港「投訴之都」嘅美譽。

事件孰對孰錯,我覺得唔太重要,事情唔發生都發生咗,但英國人就會選擇唔將負能量延續,反正人地都冇心,就選擇去忍讓,同埋負上呢件事上面,屬於自己嘅嗰一部份責任,

亦即係同對方say sorry。

(可見派拉特facebook

cc photo via flickr user butupa

cc photo via flickr user butupa

派拉特

沒有文字,又怎能說心事?

More Posts

Follow Me:
Facebook

高人指點

comments