公司賤男與我

馬年的鳥事馬年結。

分享(分享係美化詞,各位可自行代入其他詞語)一位賤男贈紫男的一些金句。真人真事。

故事背景︰

紫男與賤男差不多同期入職,共事三年有多。一直相處融洽,是其他同事眼中的好兄弟﹑好姊妹,出雙入對。而事實上,紫男與賤男亦會私下hangout,的確交情甚篤。有時賤男喝醉,會深夜致電紫男,酒醉三分醒的「胡說八道」,亦會要求紫男提供服務… morning call service。遲到早退時要紫男為其掩護等等。

翻天覆地的轉變始於紫男升職至與賤男同級(本來也只是差一級)。那是一個突變,事前沒有徵兆。吊詭的是,賤男有份贊同紫男的升遷。

  • 賤男︰「你有冇發覺你講數目字個2字發音唔準確?好似BB話咁囉。以後注意啲。」
  • 賤男︰「你讀我個名有時讀得高音左。其實你可以叫返我X先生。我唔使你叫我老細,因為我未去到老細個位,亦未有咁老。」(註︰賤男現年40出頭)
  • 賤男(與他人談及紫男的對話)︰「真係請個clerk都好過請佢。」(未升職前,賤男人前人後都對紫男讚口不絕)
  • 紫男任職期內遲到的總數「真係一隻手數得哂」,而每次都是因為交通問題,非戰之罪。每次知道自己將會遲到,紫男必會致電通知賤男,well, courtesy issue. 直到升職後…
    賤男︰「你以後遲到其實唔使打電話俾我,我見唔到你人,要搵你,自然會call 你。呢度(指整個office,包括其他department)冇人遲到會打電話返黎架。你成熟啲好冇?」(原來賤男得閒到與全office,包括其他部門的同事探討過「如何處理遲到事宜」。有禮貌原來是不成熟的表現。)
  • 紫男last week
    賤男︰「你要草擬一份declaration。表明你離職前並無修改、刪除或複製任何公司檔案。」
    紫男︰「但係HR已經有一張handover declaration要簽,其實就已經declare咗喇喎。」
    賤男︰「唔同架,你都要另外draft。」
    紫男不忿,電郵至HR阿頭(cc部門阿頭同賤男)詢問是否有此必要。HR無正面回覆,但賤男其後並無再追問declaration一事。
  • 紫男last day
    賤男︰「你未用哂既卡片呢?都要交返出黎架喎。」
    紫男︰「下?我冇帶喎,個啲唔使交架下嘛,我以前啲公司都冇要求過交。」
    賤男︰「卡片係公司財物,要交架。你冇呀?咁我喺handover declaration remark 返我冇收過你卡片,你claim你用哂咁啦。」
    後來紫男與HR阿頭證實,個人卡片不需交還公司。

以上談及的都比較經典,瑣碎的就不提了。有時和朋友談起,多數的評語是︰「點會有咁小氣既男人架!擺明佢就係唔妥你升左佢冇得升啦。」紫男亦想過很多不同原因。但,「我又唔係佢肚入面條蟲」,真正的原因,只有賤男自己才知道。

大家看了本文後都會有不同的感覺。有些人可能覺得是小巫見大巫,有些人慶幸自己未曾遇上賤X(請自行代入適當字眼)。無論如何,還是要感謝大家閱讀至此。

經一事,長一智,你問我「如何處理賤X」,以下幾點可供參考︰

  1. 同事與朋友身份不可混淆(預防勝於治療)。
  2. 企硬,鬥撐(先衡量自己及對方實力,知已知彼)。
  3. 離職(1&2都行不通及發現恐懼返工時)。

各位如有馬年鳥氣未抒或有更好的處理賤X方法,歡迎留言及賜教,因你並不孤單。

羊年將至,祝大家都喜氣洋洋。再見,鳥。

cc photo via flickr user Frits Ahlefeldt-Laurvig

cc photo via flickr user Frits Ahlefeldt-Laurvig

高人指點

comments