鳳爪排骨飯

cc photo via flickr user ladyous

cc photo via flickr user ladyous

以前,當我仲係細蚊仔既時候。
因為父母要番工,所以會將我交底比阿爺照顧。
而阿爺又因為年紀大既關係。
好多時,都會比廿蚊我落去買野食。
沒錯,係一個廿蚊就可以買到一餐lunch仲包野飲既年代。
而係我阿爺心目中,成個屋村就係得一間大排檔一種飯。

「乖孫,阿爺比錢你落去買個鳳爪排骨飯。」

鳳爪排骨飯五個字均帶著濃濃的潮州口音,我到今日依然好記得。
樓下既大排檔平得黎又唔會縮數。
三隻大大隻既鳳爪,滿滿既一大碗飯,再加上個種大排檔獨有既風味。
就係咁,我人生中吃下了無數的鳳爪排骨飯。

後來爺爺去世後,我也很少再吃鳳爪排骨飯。
今天經過七仔,剛好想祭一祭五臟府。
竟然比我見到有盒裝鳳爪排骨飯賣。
只是打開盒飯,飯只有薄薄的一層,鳳爪則如非洲的饑餓兒童一樣骨瘦嶙峋。
看著這可憐的鳳爪排骨飯,我實在不忍把它吃下。

其實大家身邊一直有好多努力支撐,仍然生存的商店。
他們也許就在你家樓下,小時候都是我們曾經光顧的地方。
只是因為他們一直都在,所以我們很少留意。
但當細心想起,才發覺往往這些小店的食物更好味。

就像這鳳爪排骨飯一樣,由細食到大,我真係未食過比佢更好味既鳳爪排骨飯。

lau@sun.com'

柳臣

小心輕看總編輯

More Posts

Follow Me:
Facebook

高人指點

comments