唔開心打機,只會更唔開心

cc photo via flickr user csessums

cc photo via flickr user csessums

「比賽到左85分鐘,紀錄仲係1比0。謝拉特中場攞定,交個斜線俾史達寧,史達寧睇定再自己一個舞入去禁區,交俾右輔位既史度列治,好位,準備拉弓射喇!但俾沙治奧拉莫斯踢跌,球證無任何反應。」

 

拿著手掣的我咆哮了出來,生氣得差點要把手掣扔在地上。「痴線既咩!打機都打到發脾氣,打黎做咩啫?」在客廳睇電視中的媽媽看來被我嚇親。更多的是,她不會明自自己生出黎的叉燒為何打機打到發火?

 

男人從來都異常認真看待會分勝負的事。由運動場鬥到試場、由鬥大力到鬥快透爐,由擇公字到抽大細。所有可以控制或者不可以控制,只要能分勝負,男人都在乎。「打機,just for fun」說這句話的人,要不你玩得很爛,要不你就是屈機的級數。

 

記起有一次,那時我「上莊」,約好了時間開莊會。可是,開會前兩小時,這邊一個約左人;那邊一個要兼職忘記了,最終人數不足流會。我頓時關掉手機、拿起手掣享受這突如其來的歡愉時間,我以為。基本上我只打一隻遊戲,那時還是PS2加Winning。六粒星master league,97的美斯加95的伊巴,根本毫無難度。誰不知,對上護級球隊居然攻足八十分鐘仍然顆粒無收,還要最後關頭反輸。這時,手掣濕濕的,原來是一滴兩滴的眼淚流下來。其實我真的氣憤,明明說好了有要事就開會前一個晚上交低,怎麼有人可以這樣沒交帶?怎麼有人可以這樣沒交帶?那次,我差不多哭了十五分鐘,是啜泣的那種。事實證明,唔開心打機,只會更唔開心。

 

時移世亦,換了xbox加Fifa,下班回家,就把握時間開機盡興一番,我以為。此時,工作上大大少少的壓力、阿姐的黑口黑面、孤身一人吃頹飯的寂寞、再用心也是被人嫌手腳慢的氣餒,捱足一日的疲勞,一一也因拉莫斯的這無情的一腳踢爆,手掣又再一次濕濕的。事實再一次證明,唔開心打機,只會更唔開心。

 

人生真的很有趣,明明生趣的事,卻成了你僅餘能夠宣洩情緒的渠道。But, life go on,再開波!

 

hangcheuk2003@yahoo.com.hk'

阿享

一個戒緊牛肉,但打邊爐仍然會忍唔住既耶青。

More Posts

高人指點

comments