強國推Mobile payment應該係國家政策

pixabay

話說我喺15年尾已經寫咗一篇當時已經唔係新鮮事嘅文,講解點解香港係無咩mobile payment嘅market。當然,環境無變過,香港嘅信用卡同八達通覆蓋率太高,即使係Apple Pay要喺香港企得穩都難,仲要多咗銀行同八達通做埋mobile payment,其他service providers想搶市場佔有率更難。

雖然我個人比較low tech,但有段時間職務上被逼每日留意科技新聞。喺15年尾16年頭其實wechat用戶已經有幾億,Alipay亦同佢搶緊市場佔有率。不過,當初Wechat pay喺香港推進唔順利嘅時候無特別揼錢搞marketing,到Apple pay打入香港市場時亦無特別揼錢搞marketing,到銀行搞mobile payment apps亦無反應,反而喺2018年初就分別出手,先由Wechat推出喺麥記買夠25蚊回水10蚊,再由Alipay搵Ali做代言人,先出微辣影片,再出event。與其話係一個慢九拍而巧合嘅商業決定,我寧願相信係中共政府下令喺香港全力搶佔市場佔有率,掌控香港人更多資料,包括銀行資料、購物習慣、財政狀況、行踪之類。

畢竟,政府對監控市民嘅興趣同堅持,即使係民主大國都不能避免。Edward Snowden 套Citizenfour已經係2014年上映,而佢由夏威夷逃嚟香港被趕走已經係2013年嘅事。不過,喺民主大國公民都識反抗,仲可以透過法律限制政府(成果係另一回事),政府亦唔敢公開承認自己監控市民。另外,亦有Apple拒絕幫FBI解開疑犯iphone密碼嘅例子。

咁當然,獨裁政權全面監控市民一舉一動就係常識啦,對呢個認知都無嘅朋友可以睇番《V for Vendetta》。我肯定全靠政府開綠燈甚至高官有股份先發到圍嘅科技公司好願意提供市民所有資料。有呢種常識嘅人係唔會用任何中國制嘅科技產品嘅,包括手提電話、payment apps。咁當然,喺香港仲有好多人唔介意主動為中國政府提供自己個人資料嘅。而喺唔太介意,但又未開始用中國製mobile payment嘅一群人入面,以Ali女神嘅吸引力,的確將近乎不可能嘅marketing變成可能。所以,Alipay真係唔怕生壞命,最怕改壞名,好彩改啱名可以借香港女神個名去將不可能變為可能。

aragorn.ho@gmail.com'

明鏡

商科出身,一直認為自己是商界奇才。大學時期嫌課程沉悶,把時間都花在哲學、文學上。近年興趣為時裝、電影。

More Posts

高人指點

comments