廢作蛙旅行記事 004-005 食蛋糕+背住個海

004食蛋糕
阿仔鍾意食蛋糕,呢一點同我係一樣。但係要係香港食件好味又有特色嘅蛋糕真係好難,尤其是係食過啲好嘢之後,條脷真係返唔到轉頭。
或者以芝士餅為例,一件好味嘅芝士蛋糕,重點係口感同芝士味。不過呢啲其實都係各有所好,而我自己追求,係入口即溶嘅濃芝士味,而配搭嘅口味就係豆腐或者藍莓;但如果係配合朱古力,我會選擇硬身一啲嘅口感,如紐約芝士⋯⋯
藍莓芝士餅係我最初接觸嘅芝士餅,攪到我宜家去每次幫襯新嘅蛋糕店,都會想試一試呢種「最基本」嘅口味。不過其實我唔鍾意新鮮藍莓。
我係鍾意食製成品果醬嘅味,將果醬配合入口即溶嘅芝士,味道一洗。當我以為呢種已經係絕配之後,先發現原來軟身芝士再配上豆腐慕絲,呢種先係絕配!
唔好意思,講開甜品會有失控!
可能係咁,阿仔都特登走去食Cake。
有啲肚餓喇⋯⋯

005背住個海
「望著海一遍… …滿懷念」
阿仔,自己一個人去看海,到底係開心?定係唔開心嘅事?
其實你係一隻生活係淡水嘅青蛙,做咩咁睇唔開去個海到?
(雖然你呢一刻無冬眠已經係好離奇嘅事)
海呢一個地方真係存在住一種神秘嘅魅力,
你總係會不知不覺咁被佢一層層嘅海浪聲吸引住,
佢有廣闊嘅胸襟去容納世界上大大小小嘅任何物件,
包括各人唔同嘅心事。
有時我都好似阿仔咁,走去個海則邊,聽下呢個世界帶比我嘅聲音。
人嘅言語有太多重複雜嘅意思,人前人後嘅表裡不一,都令人難以捉摸,
唯獨是了解對方嘅目的之後,你自然會明白對方所講嘅說話有咩意思,
但又會變成一種陰謀論去批判整個世界……
人類真係好複雜呢……
反而對住節奏一致嘅海浪,只有我單方面去解讀由海嘅另一邊帶返嚟嘅訊息,
到時你會好清楚聽到,你自己想對自己講嘅說話。
因為……地球係圓架麻!只係要你句說話繞過地球一圈先返到嚟,真係要啲時間。
不過只要你用心去對住個海問一問自己,
之後耐心背住大海,你總會等到自己最想話比自己知嘅說話。

——————–

其他作品如下:https://ttmmmrc.wordpress.com/
《叛神軍團》奇幻冒險長篇故事 ─ https://www.penana.com/story/27984/叛神軍團-第一章-源於絕望/toc
《Slow Music》音樂夢想長篇故事 ─ https://medium.com/slow-music-粵白小說
《筆示驅魔傳》驅魔戰鬥視覺小說 ─ https://oice.app.link/eleexorcist
《DSE幻想校園》青春校園系列故事 ─ https://ttmmmrc.wordpress.com/dse-幻想校園-短篇集/
《格子控的執著》奇幻戰鬥中篇故事 ─ https://www.penana.com/storyinfo/28778/格子控的執著-上半部
請多多支持!

13@boy.com'

十三郎寫作團隊

團隊的成員都是我精神分裂出來的人物,所以沒有其他人。 每位成員也有屬於自己的故事方向,但都是出於同一個人的手筆。

More Posts

Follow Me:
Facebook

高人指點

comments