一條有夢想既鹹魚

cc photo by flickr user David Leo Veksler

成日有人話「做男人一定要有目標﹑有夢想﹑有膀頭, 如果沒有就同一條鹹魚沒分別。」但有夢想既男人都只係一條有夢想既「咸」魚….我諗大家明白既。
事實上,現今社會的每一個人都起碼有三至四個,甚至更多的目標,有用嗎? 腦裡有千條路,但到了隔天早上卻依然走著原路,向目標走前的距離絲毫也沒有拉近。當你人生有番咁上下閱歷,你就會好容易分辨到邊個係得把口,邊個係所謂既夢想家。

以前細個夢想做醫生,做老師,做警察,甚至做太空人。但人愈大就開始愈實際,要有份好工,左轉工右轉工,為既只求人工高一點,人工高一點就可以去供樓,仲有咩夢想。

咦?你跳傘咁平,算什麼夢想,環遊世界一百八十天,其實都係幾十萬,都唔算得係咩姐,當我知道發表偉論嘅呢位仁兄佢剛剛買完一層要成四百萬嘅縮水樓,我知佢點解咁自豪,因為對佢講,用愈多錢去追求嘅愈難,愈難就愈有價值,原來今時今日夢想係可以用錢去衡量。

目標夢想不要多,同埋唔需要用錢去衡量夢想既價值,覺得值得就去做,完成一個再去想吧。

向著自己目標夢想衝,咁就最好不過,加油!

Humakers@Humakers.com'

Humakers

一個從事過多種行業的90後,了解到職埸百態,希望能夠分享所經歷的,所了解的困難給大眾,提醒各位就算遇到困難都總會有解決辦法,共勉之。

More Posts - Website

Follow Me:
Facebook

高人指點

comments