異端邪說之:「佢著到成隻雀噤」

cc photo by flickr user mazaletel

cc photo by flickr user mazaletel

喺我地既日常用語之中,如果要形容某人--通常系女人,打扮到花枝招展,分外搶眼時,我地好多時會形容佢係:「哇~佢著到成隻雀噤」。喺呢個語境之下,我地將呢個囡囡既花枝招展,五顏六色,同七彩斑斕既雀鳥聯系左一齊。

問題係,呢種講法,背後反映既性別定型(唔好意思,我又要拋書包啦)似乎就係局限左女人先可以五顏六色,男人就係要素色為主既。你唔覺,其實好有問題同好悶既咩?同埋,佢其實係違反緊自然定律架~

返番去大自然,我地睇下,就以雀為例,例如孔雀噤,通常五顏六色,花枝招展噤既,係公黎架。乸果啲通常係素色好悶。作為生物學既常識,我地會知道,啲公既就係靠佢啲五顏六色既毛去吸引啲乸既埋黎,跟手同佢交配,然後先可以延續下一代架嘛。所以孔雀開屏~哇好靚啊!但其實背後既意思係﹕「阿叔我鳩痕啦,嚟扑野啦喂」~即係話,喺自然界,「著到成隻雀」噤既,係啲公既專利嚟。

所以返番嚟人類界,如果你認同人類都係生物既話,噤我地係唔係都應該回歸大自然,比啲公既都可以「著到成隻雀」噤呢?而且又返番去最根本既問題,上帝造人,一公一乸,就得我地啲公既有隻「雀」之嘛!唔好意思,我係噤直接既啦。但係我地隻「雀」已經比啲布襟住左啦嘛,噤點樣去突顯返呢隻「雀」既魅力呢?噤未唯有喺啲布度花心思囉,比我地著到成隻「雀」噤,好等我地去呈現返我地作為「雀」既魅力,然後好等我地去吸引返啲乸既過嚟同我地交配囉,唔好意思,我係噤粗俗既啦~但係「飲食男女」,實事唔係噤樣既咩?

借用朋友既一句說話﹕「自張國榮死後, 大家已唔識乜叫男人姣姣吔」。所以,如果下次喺街度,你見到條公既著到成隻「雀」噤,你唔好怪佢,佢只係盡返作為一隻「雀」既責任,大家不妨 open minded一啲,學下去欣賞佢。所以亦都同各位兄弟講聲,如果你都認為你係有隻「雀」既,噤就挺起胸膛,攞返你作為「雀」既自信,下次約囡囡出街既,一於去盡佢,著到成隻「雀」噤出黎,還以顏色啦。

就噤。
異端邪說者,邪也~

ming@ming82.com'

黃邪

黃書最好讀, 邪性最難馴。 Blog: http://wongchea.blogspot.com.au/ (見下)

More Posts - Website

Follow Me:
Facebook

高人指點

comments