歷史中講完「X你老母」的後果

圖片來源:作者

圖片來源:作者

有人係立法會講老母,甚至老媽都要被逐
有人鬧共匪屈穎妍兩句就要被控「不誠實取用電腦」罪
唔係嚇你,真係有人講完句「X你老母」後,被控淫母罪
呢條罪控當時法律,係好有可能被判死刑架
而且受害者既情況,同我地香港人極其相似
至於老母粗唔粗,請收聽讀史片第21集
http://openskyradio.com/shows/historyhistory/21

寫孝經判官安和子
右件人,在於行累(?),負(?)眾別行,昨十□□商
□致局席設,末兒悉給贊諸蕃判官等,差
□著酒半甕,至今不與。又酒家征撮,比日
已(之)前,手寫大乘,口常穢言不斷,皆是牽
萬(罵)翁婆祖父,羞恥耆年。先因局席上眾言,
後有穢言,罰門(?)問局席。安和違眾例,還道
媱(淫)母,別有人犯者,並甘心受罰。唯有安和云:
我有口言說自由,扞(干)你別人何事。慈烏耳,亦猶
有乳哺之恩,父母養艱辛至甚。去有此言,
媱(淫)母者,果何言歟。請詳察免眾例。請處分。

逐句譯:
寫孝經判官安和子
吐蕃統治河西時,有強制寫經活動,寫經時稍有差誤,即以重刑,所以唐律並無寫孝經不得爆粗之例,安和子係漢化粟特人,大概連粟特話都唔識個種,依另一份配給文獻,知道安和子於三界寺中抄寫佛經同孝經,呢份係唯一確知吐蕃人會強制漢人抄儒家經典既文獻,呢行係被控人

右件人,在於行累,負眾別行,昨十□□商□致局席設
無人解得通,應該有幾個錯字……大概意思係安和子係衰人,有一日有人請飲

末兒悉給贊諸蕃判官等,差□著酒半甕,至今不與
意思係飲宴時,其他吐蕃判官要求安和子請佢地飲半甕酒,但安和子唔肯,睇黎漢人同吐蕃人共飲,漢人有請吐蕃人既慣例,殖民嘛

又酒家征撮,比日已(之)前,手寫大乘,口常穢言不斷,皆是牽萬(罵)翁婆祖父,羞恥耆年
呢段有趣,控方指安和子幾日之前,邊抄佛經,邊爆粗口,翁婆祖父都鬧齊,即係X足人地祖宗十八代,可能係酒家上三界寺追數,安和子唔俾,仲X人祖宗十八代,被鬧既人怕且唔會係唔關事既酒家,而係迫漢人請飲既吐蕃人

先因局席上眾言,後有穢言,罰門(?)問局席
呢句後面都係無人解得通,反正就係兩罪並發

安和違眾例,還道媱(淫)母
媱字係古代有時係婬字既替代字,婬字應該係粗口,所以要用別字黎替代,所以安和子當日講個句粗口,可能正是乜你老母

別有人犯者,並甘心受罰。唯有安和云:我有口言說自由,扞(干)你別人何事
其他人犯左罪,都甘心受罰,只有安和子大叫我有言論自由,講乜野都唔關人事

慈烏耳,亦猶有乳哺之恩,父母養艱辛至甚
烏鴉都尚且知道要反哺,明白父母養育之艱辛

去有此言,媱(淫)母者,果何言歟
安和子話人老母,呢尐係乜野說話

請詳察免眾例。請處分。
希望能詳查律例,請求處分。

讀史片

歷史野即係悶野?嚴謹既歷史研究一定無聊?其實又未必。我地節目有博士級人馬坐陣,同時緊貼時事脈絡,講既係歷史,呼應既係熱中最hit話題!幾千年歷史故事,保證唔會飛去堅離地城

More Posts - Website

Follow Me:
Facebook

高人指點

comments