BBC big weekend 戶外音樂節

我一直都無時間寫我個to-do-list,實在太多嘢想做,太多地方想去,太多球賽想睇,太多演唱會想聽。上個星期偷咗日larn去twickenham 睇咗london sevens(詳見london sevens 外藉人士的派對)俾我同到DJ Forbes影到自拍果一下覺得其中一個目標達到咗人生好美好,但無估到短短一個星期之後我又達到咗兩個人生目標,睇到david guetta同muse嘅live,仲要唔洗錢,仲要係正我學校隔離行五分鐘就到。

無錯,就係講緊英國電視台每年夏天嘅戶外音樂節 big weekend。每年係一個英國城市搞,今年係小妹臨畢業返香港之前就去正我讀書嘅城市,完全就腳酒店都唔洗訂之餘仲host埋朋友過夜。香港搞個clockenflap 啲飛貴到死都無大戲碼,big weekend張飛淨係收幾十蚊admin charge就可以入場睇足十一個鐘,而我見識少今次第一次join英國戶外嘅音樂節我真係大開眼界。

所有圖片來源:作者

所有圖片來源:作者

之前睇過幾次外國歌手去expo開show都係啲人一早去排隊(其實係我,我凌晨四點就去通利買westlife farewell tour 飛最後俾我不負眾望買到第一行,又同埋taylor swift果場一放學著住校服就仆去expo最後都企到自己category嘅第一行),所以以為外國人都好癲,會迫到痴線戶步難移,因為個event有25000人⋯⋯25000個都係外國人(行咗成日都唔見其他亞洲人如我)25000個都係飲大咗嘅年輕人⋯⋯

FullSizeRender (6)

點知真係估錯晒。入到場個個舖晒嘢坐地下嘢餐咁嘅款,正宗the brits enjoying their summer。個個拎住一兩杯酒,(再加地下嘅草都比酒樽覆蓋晒),完全唔似嚟睇show。去到大台睇David guetta,同樣唔迫,個個大把位跳舞,隔離有個肥婆仲可以係唔撞到任何人情況之下成個跌落地。最初見佢成個跌落地真係好驚以為心臟病發,點知佢過一陣起返身企返係我前面,拎張信用卡出嚟倒啲粉上去索⋯⋯人生第一次近距離live睇人食白粉。尋日咁大風都唔知有無吹咗少少去我度添架大佬。見到人吸毒都係題外話,最感動都係親眼見到David guetta係你面前表演,然後氣氛勁好全場大合唱play hard同titanium唱到唔捨得佢完。

FullSizeRender (7)

Hea咗一陣去買下嘢飲又返去睇show,今次早咗去行到好前所以終於有啲迫,但對於上年暑假日日迫地鐵嘅我嚟講完全輕鬆。之前領教過鬼婆吸毒今次隔離不停食草,兩個鐘無限吸二手草,全身無限草味。但係同時又俾我睇到muse嘅live,大佬真係好感動自從中三聽過time is running out之後就開始中意muse之前resistance tour嚟香港一千蚊都買唔張飛但而家免費就可以俾我睇到Matthew Bellamy真身⋯⋯雖然無唱unintended但係睇足一個鐘我已經今生無憾⋯⋯

FullSizeRender (8)

後話 post-show syndrome好嚴重,仲要個場好近我間房而家完全感受到啲強勁嘅base聲同音樂聲。好想今日都有飛去玩多日但奈何真係撲唔到,同埋要返工 -_- 不過臨grad去中我城市搞已經無憾,yeah!

ding@ding.com'

dingding

最後一年留學,瘋狂打工攢錢再瘋狂浪遊。

More Posts

Follow Me:
Facebook

高人指點

comments