澳洲菜食啲乜 part1 home stay--二世祖與窮秀才的飲食對談(二)

(水由古月、黃邪合吹,文由黃邪執筆而成)

以下 古為古月,黃為黃邪

第一part: home stay 食啲乜?

黃:古月有冇留意啊,近日係爾雅出咗一係列嘅「留學生食啲乜」,先係英國留學生開始,接著瑞典荷蘭德國陸續有嚟,引起咗大家嘅興趣,似乎成為一時熱話喎。咁我同你都喺澳洲留學過,一個東岸一個西岸,又自恃係老饕啦,係唔係都應該講下澳洲呢邊食啲乜呢﹖

古:有何不可?就由我開始,起初我響悉尼某廚藝學校修讀廚藝文憑(無錯,diploma of culinary art,原來煮飯係有書讀嘅。),之後再洗濕個頭去讀埋個餐飲管理進階文憑,
其間住過home stay,偷住過大學宿舍,亦都同人一齊分租過房。咁你呢?

 

圖片來源:作者

圖片來源:作者

黃:我個故仔就稍為長小小,我就2008年過嚟澳洲嘅,先係working holiday 開始,期間住過Backpackers,住過農場,住過工厰,亦都同人分租過見過各式人種。兩年之後,我搵到大學收我,開始係Perth半工讀大學,期間有好心嘅鬼仔朋友收留我係佢屋企住,佢地係英國人嚟嘅,但係澳洲長大。咁我一住就四年。回憶起我初到貴境嘅時候,對呢個國家嘅飲食嘅了解,其實係由超市開始,唔知你係唔係咁呢﹖

Vegemiteontoast_large

cc photo via wiki commons on vegemiteontoast

古:我就小小唔同,因為最初我係住home stay亦即係寄住家庭嘅,形式就係由當地人安排
間房比你住,然後就同一屋簷下共同生活,咁根據合約,主人家會包早晚兩餐。所以我無乜迫切性去購置自己嘅食材,超市同我嘅關係係之後嘅事。但反而呢,我可以好好地咁體驗到
普通澳洲人嘅日常三餐。當時主人家係希臘裔澳洲人,合約包嘅早餐呢,就求其多士三文治之類嘅啫,醬同餡料就不外乎牛油果啦,牛油啦,間中會有火腿芝士啦,但永遠走唔甩嘅,就係Vegemite,傳奇嘅Vegemite。

黃:哈哈哈哈哈~~一講到Vegemite,的確係傳奇,因為基本上係每個初到貴境嘅遊客、學生,都會中過招嘅,呢種燶燶地,咸咸地貌似朱古力嘅醬呢,我就還好,仲頂得住,我食落好似炒燶鼔油咁味啫。但聽講有啲食咗話好似食咗屎咁幾乎隔夜飯都嘔返出嚟架。

古:我只能夠講,呢隻野,比豆鼔又再咸D,隻味又再濃D,我都搞佢唔掂啊!按我嘅理解呢,Vegemite係澳洲自己嘅叫法,響其他英係國家都有類似嘅產物,總之就係一種蔬菜嘅發酵物。最主要嘅作用就係作為一種可以長時間保存嘅維他命來源。

黃:網上嘅資料顯示呢,Vegemite 呢,係澳洲佬1922年時自己發明嘅,但似乎前身,或者靈感來源,係的確源自英系國家嘅Marmite 嘅。
11081887_10203288077596701_110101265_n
古:唉,真係多得依隻醬唔少。至於晚餐方面,有時佢老姐會煮個茄醬,配現成響超級市場買嘅Ravioli,有時會係即食Pizza ,又有時會係湯加麵包。通常果種湯係Broth,即係有菜有肉又水水地咁,俾你配幾塊麵包啃咗佢就算嘅啦,不過有一次我食到雞茸粟米湯呀!紅色白色罐頭果隻呀!當時嗰種家的感覺直教我虎目含淚呀陰功!總之佢老姐呢,嚟嚟去去就得呢三道板斧。至於其他時候,讀廚藝學院總會有嘢帶返去食嘅。
11087023_10203288077556700_2013889738_n

ming@ming82.com'

黃邪

黃書最好讀, 邪性最難馴。 Blog: http://wongchea.blogspot.com.au/ (見下)

More Posts - Website

Follow Me:
Facebook

高人指點

comments