The Canary Islands郵輪之旅

郵輪係我其中一個最中意嘅旅行方式。唔洗趕車,唔洗日日執行李,每朝訓醒就到一個新嘅港口,可以落船玩。所以上年暑假搵咗好耐,終於搵到呢個trip:唔太貴,日期啱,可以避開英國嘅冷冬,同埋去嘅地方都幾特別-the Canary Islands / Madeira / Agadir (可能要Google map一下,事關我之前都完全唔知有個地方叫Canary Islands 。)

未命名

由英國飛去Tenerife 要4個鐘, 一上機 一如我所料,全機90%都係貌似退休人士嘅嬸嬸級,9%係合家歡拖住細路,最後就係我哋3個。呢個trip搵勻全船都無同年齡層或者同國籍膚色。

郵輪另一個好處係full board。俾咗一舊錢就包機票住宿關稅甚至飲食,你食得落可以一日食十餐。所以成個星期我哋嘅花費就係postcard同落岸去下cafe飲嘢(船上無wifi)同搭的士,join咗個伏嘅貴tour一星期都洗唔到一千。

cc photo via flickr user El Coleccionista de Instant

cc photo via flickr user El Coleccionista de Instant

因為我哋外型同其他乘客完全唔同,真係每一日,尤其頭一兩日,無論船員定乘客定係落岸嘅當地人都會好好奇望我哋,明顯到係你一路係佢面前行佢個頭由咗至右轉足180度黎望你。可能果啲小島比較少亞洲旅客,除咗有一個,全部手信店都係大陸人開(仲要夾埋晒全條街淨係賣啲貴又未必寄到嘅郵票,官方郵票唔賣。)

每日準時食每一餐係我哋指定動作,晚晚搭台同唔同公公婆婆打牙較,佢地又對我哋好好奇,就連食早餐幫我夾食物嘅每個侍應哥哥都會問我哋where are you from 。每晚set dinner 都好令我期待,真係好多都好好食,明明好飽都要食足4 courses先收手,仲要食夠三款甜品先走人。折墮講句,由於full board隨時有得食嘅關係,有時無聊無嘢做就會去自助餐廳打個轉拎嘢,喺甲板食住吹海風,所以日日都攪住個肚瞓。

雖然有時會覺得悶,因為娛樂節目未必啱我哋,但無嘢做衝上甲板浸個jacuzzi曬個太陽望下一望無際嘅大海,再晚晚睇日落真係好嘆,慶幸自己搵夠錢都夠買內艙房嘅飛。

去完即刻想encore,而家積極搵暑假嘅其他郵輪航線。

cc photo via flickr user Giuseppe Milo

cc photo via flickr user Giuseppe Milo

ding@ding.com'

dingding

最後一年留學,瘋狂打工攢錢再瘋狂浪遊。

More Posts

Follow Me:
Facebook

高人指點

comments