英國中餐館土豪見聞

KUNG HEY FAT CHOY!!!!!!!

情人節岩岩先過,咁快又新年,試問我呢個小員工又點可以脫離老闆嘅魔掌唔返工呢? 上年年初一由五點鐘做到凌晨一點先收工食開年飯,今年呢⋯⋯一齊拭目以待。

眨眼由見工果日到而家,返工都返左年幾有多,最初返工完全為打發時間同賺錢去旅行,完全無諗過可以大開眼界,見到好多人與事,好啦而家係分享時間。

中餐館其中一個最大嘅客源,當然就係強國嘅客人。強國人出名豪爽大花筒,每一餐食個下午茶都可以叫到九大簋,叫一籠蝦餃四粒食剩三粒,一煲羊腩煲食兩舊就唔要。所以有時我地見到成台食剩又唔打包都會心心眼,因為佢地走左之後我地會全部收晒入PANTRY之後大家一齊食(當然唔係食佢隻碗入面果舊肉,只係食係大碟上面果啲,聽落去可能會覺得核突,但事實全部STAFF員工同老闆都會咁做)有時有少少點心,燒味,芥蘭(菜係好貴),大蝦,會掀起全部STAFF入去搶食嘅一陣熱潮。

強國人有錢上黎可以好可怕。當你係餐廳捧餐,賺緊最低工資,但經常都有強國人揸住架七位數字港幣嘅名車跑車車條女黎飲茶。(絕對唔係妒忌個女仔呀下),誇張到老闆都話「’嘩,佢架車貴過我層樓」。俾錢一係就拎一卷新嘅跟NUMBER 50鎊紙找數,一係就碌大陸呀爸呀媽嘅附屬卡。一台大陸人黎食飯,全台一人一部IPHONE6S金色,一人一個PRADA GUCCI 亂放落地下,滿手PANDORA,耳環大大粒鑽石,男嘅都係咁。

下次再分享 🙂

cc photo via flickr user Ian Sane

cc photo via flickr user Ian Sane

ding@ding.com'

dingding

最後一年留學,瘋狂打工攢錢再瘋狂浪遊。

More Posts

Follow Me:
Facebook

高人指點

comments