點解青春嘅愛情,都係後知後覺?

cc photo by flickr user Jackie.lck

成日都話,女人一生人都要識返個賤男同佢拍拖。唔係女人唔識保護自己,情況就好似吹沙入眼咁,妳自己根本就唔會阻止到,甚至乎妳一啲都擦覺唔到,佢已經吹咗入妳對眼到,之後就令妳咩都睇唔到。

之後妳會喊⋯⋯

開心又喊、傷心又喊、比佢刺激下又喊,最慘係妳喊幾多都好,佢點都唔肯走,係都要留係隻眼附近,硬係要頂住妳,攪到妳食唔安坐唔落,就好似個瘟神咁,都唔知點先趕走佢。

直到妳倦、妳無力、可能佢已經離開咗,但唔舒嘅感覺一直係到,甚至令妳對眼都受影響,於是妳就會需要一支眼藥水,補充返自己失去嘅水份。

但唔好誤會,妳唔係搵到一個暖男去滋潤自己,妳只係用以前一個賤男對妳嘅態度,去榨乾另一個男人嘅眼淚。

呢種係報復嘅行為?咪玩喇⋯⋯

妳只不過係用以前愛妳嘅人身上所學嘅方式去試下愛第二個人即。妳根本唔知道,妳從來都無擺脫到呢個賤男,妳仍然好希望佢過去嘅生活到,重演一次,之後去話比自己知,佢曾經愛過妳,妳嘅感情係無白過。但同時妳會開始懷疑⋯⋯妳到底知唔知咩叫愛?

講真,如果可以會心微笑,咁就恭喜妳。因為佢係妳心目中,雖然無走到,但佢已經唔係咩一會回事。唔係個個都可以企返起身,而且好多時都會走錯路,攪埋個啲「十分愛」,咁佢嘅人生就定晒形,將來有咩事都只會怪個EX,係佢攪到妳宜家咁。雖然係事實,但係妳無比機會自己重新開始⋯⋯

又唔知點解,呢種賤男,永遠會係妳最幸福嘅時候,收到佢好頹廢嘅消息。又唔知點解,賤男好似真係無好下場,可能坐緊監、可能撈緊短期工、甚至可能妳只會見到曾經嘅朋友中,見到佢為咗溝靚妹扮死狗。

妳會好不安,妳會忍唔住去問自己,點解會鍾意個咁嘅人?鬼揞眼、時運低、二十幾年嘅人生一次酷劫!好彩當年死唔去⋯⋯好多好多既不忿又慶幸嘅情緒返晒嚟⋯⋯

但過咁呢一層表面嘅即時反應之後,妳開始有啲心痛。

如果佢當初可以好好珍惜妳,佢咪唔會攪到今日咁囉⋯⋯

但又唔可以唔感謝一下佢,無佢⋯⋯今日嘅妳又點識去愛一個人?

所有過去,其實係一個問號,去比妳自己思考下將來想要個咩嘅答案。

妳知道自己最想要既係咩未?賤男⋯⋯妳識咗幾多個?

—————
作者:多媒體廢作人
故事作品:
《叛神軍團》、《音樂漫遊-Slow Music》、《筆示驅魔傳》、《DSE幻想校園》、《格子控的執著》
詳情可瀏覽以下網頁:
https://ttmmmrc.wordpress.com/

13@boy.com'

十三郎寫作團隊

團隊的成員都是我精神分裂出來的人物,所以沒有其他人。 每位成員也有屬於自己的故事方向,但都是出於同一個人的手筆。

More Posts

Follow Me:
Facebook

高人指點

comments