話你似某位著名人物,或者係佢接班人係咪好事?

cc photo by flickr user Jeraldagurumi

平時寫小說通常會話要學阿邊個邊個,或者寫嗰陣不經意學咗自己鐘意嘅作家。當你寫小說話有人讚,而某啲讚賞話你似某某出名小說作家,或者係你文筆同主題有嗰位作家風格甚至乎接班人等等。其實唔算係一件好事。

講開少少,好似呀俾人批評唱歌無感情嘅李克勤。佢八十年代左右出道,靠著一把靚聲成功突圍而出。其後俾Alan封佢做佢嘅接班人。呢個稱號差唔多令到李克勤黑仔咗算好耐,其後佢響寶麗金發展不如意過檔去星光,再去埋藝能。聲勢下滑得好勁,到去番環球(收購咗寶麗金間公司)先叫做鯉魚翻身。千禧年過後Alan講番之前話李克勤係佢接班人係間接害咗佢,我都算幾認同,因為當年呢句嘢令到李克勤囂咗,又可能引起其他人對佢嘅不滿等等。

音樂上就係要講吓Coldplay,之前嘅bigger stronger, such a rush俾人話係學Radiohead學得好緊要。第一隻大碟parachutes裡面High Speed首歌亦俾人話同radiohead homesick alien極其相似,後來第三隻碟x & y又俾人話跟番英國著名樂隊U2。Coldplay係直到viva la vida先話有自己嘅style,除咗Chinese Sleep Chant shoegaze風格學My bloody valentine。之後Coldplay點?都唔知係咪費時俾人講話學呀邊個邊個,索性唔再玩另類搖滾走去擁抱主流出pop rock歌,連之前風格都無埋。玩另類俾人話你學阿某某,搞到寧願穩穩陣陣出主流作品,算係一種悲哀。

舉咗兩個唔知合唔合適嘅例子,都係想講話俾人話你有某位勁人影子或者接班人反而會害咗人。不過如果你聽到有人讚你似邊位,唔好咁自滿,反而諗吓點突破而令到其他人會咁講︰

「呢個人終於有自己獨特之處」「揉合前人風格,再自我創作出一種新風格」咁樣先會令自己喺創作之路上毫無障礙。

therudemanroom@810.com'

粗人敵卡

一個要將別人忽視的事寫出來的九十後寫手,閒時看電影、讀小說、聽音樂等等,夢想做一個通俗小說作家

More Posts

Follow Me:
Facebook

高人指點

comments