其實,除咗港女同bitch,香港仲有毒女

近期港女呢個term已經有少少out,不過我咁啱有個奇怪嘅遭遇,就索性寫下香港人會喺香港遇到嘅幾種雌性生物,當係同大家分享下。

港女嘅定義我相信大家都好清楚,我就唔講喇。大家未必有留意嘅係,港女只係弱版嘅bitch,即係港女中嘅極品一定係bitch,而bitch唔一定係港女。當然,其中嘅分別比較subtle,普通人未必分到。雖然bitch呢樣咁耐歷史嘅生物好似唔需要特別講解,不過橫掂講開就俾少少例子啦:例如某九西中女(前)立法會議員,某位演技奇差但幾年前唔知點解憑場爆喊戲上咗位嘅大台女演員,呢兩位都係一眼就睇得出係bitch嘅女士。

好明顯,呢篇文介紹嘅重點係毒女。唔知點解,近期香港淨係興講毒男/毒L,而忽略咗講毒唔可以唔講女人。事緣我早幾日uninstall又reinstall咗個facebook app,唔知係咪因為清咗data嘅原因,好多我like咗但好耐無見到post 嘅page又出現番喺我個wall度,咁啱我就見到一段題為《女仔街頭搭訕 成功率100%》嘅影片。原片係日本一個嘅Raphael Angel嘅Youtuber制作嘅,佢個channel有百幾萬subscriber,而我睇到嘅字幕版係JC後制page share嘅,字幕由台灣人大火龍提供。

有趣嘅係咩呢?正常男人睇到條咁嘅標題,會第一時間答「都係睇樣嘅啫」。而片段中嘅女仔係喺街頭問咗6位男仔攞Line或手提號碼,成功率100%。咁有睇過條片嘅大概都會認同,呢位女生如果喺街頭主動approach你,唔好話問你攞Line/whatsapp之類,就算係問你「借」1000円,大概成功率都係100%(東京都最低時薪係958円)。

咁關毒女咩事?咪就係會失驚無神有女士走出嚟搭嗲:「條女好靚咩?眼袋又大,又矮,blah blah blah blah…」呢啲咪叫毒女囉。喂,其實呢,同性識欣賞同性係講修為,但同性踩啲受異性歡迎嘅同性呢,就只係反映到自己人格有問題。唔客氣講句,直男對你無興趣,應該係你有問題嘅機會高過直男品味有問題多啲。評價一個受異性歡迎嘅女仔唔靚,真係男人專利嚟,女人一開聲就係人都知咩事。咁我都覺得片入面條女唔算好靚,不過其實問人攞Line又真係唔洗好靚。真係好靚嘅應該拍唔到六個,頭一、兩個男仔直接拉咗佢去飲嘢啦…基本上攞Line呢啲嘢,大概一個男仔判斷個主動approach佢嘅女仔外表係60~70分就已經會俾,至於對話技巧、動作點樣增加成功率,呢啲基本嘢唔洗我講啦下話?係,男人可以話個女仔唔算靚,不過由女人講呢,就真係靚女講都即刻成陣bitch除飄埋嚟…講果個唔係靚女?咁就唔係bitch味、酸味咁簡單,間直係成陣腐臭味。呢啲咪叫毒女囉。

如果呢個例子唔夠貼身大家聯想唔到,唔緊要,其實香港有例子。15年區議會選舉聽講好多中女、師奶呷游蕙禎醋;16年立法會選舉更加有同區同屬反對派嘅中女、老婦候選人不顧立場針對佢。咁你有無聽過有女人話佢唔係好靚,彈佢啲五官身形呢?有嘅話你應該知道咩叫毒女。我自己就好有印象,何超蓮大概17歲上Face 封面,我講咗句「嘩!幾靚女喎!」第一時間俾反應嘅就係一個年過40嘅女同事「有幾靚啊?」我當時心入面果句都係「中女妒忌人青春?」咁事實上,我自己都講過游蕙禎唔係好算靚女,極其量borderline靚女,其實如果要俾分大概係65分左右。何超蓮呢?大概我會俾70分plus,應該75分以下。但,我係男人喎,無啲咩酸臭怨毒…識欣賞靚女當然係我強項啦,不過我呢啲有咁上下修為嘅,靚仔、型男都識欣賞。同性評同性,真係反映到人格。所以,記住喇,香港唔係得毒男毒L,仲有唔少毒女。毒女、bitch、港女各有相同元素,而又係三樣唔同生物。對男人嚟講最危險係邊樣?Bitch。

aragorn.ho@gmail.com'

明鏡

商科出身,一直認為自己是商界奇才。大學時期嫌課程沉悶,把時間都花在哲學、文學上。近年興趣為時裝、電影。

More Posts

高人指點

comments