搭嗲搭訕101

cc photo by flickr user Illusive Photography

作為一隻資深嘅人類觀察員,唔少人類都知道我真係好鍾意無那那搭嗲。愈搭得多嗲愈熟能生巧。從嗲中可以得知(部份)人類習性,尤其是同茶餐廳姨姨們扭計扭盡唔少。

搭訕又好,搭嗲又好,先要記住幾個心法:
1)世界上總有你搭唔到嘅嗲。人哋憎你就係憎你,唔駛有理由。
2)保持一份隨遇而安煮到嚟就食不食白不食嘅心態同人搭嗲。學我教授話齋,簡稱:逢場作興。我話:平常心。所以搭嗲唔需要勇氣。示愛先需要。記住3)。
3)從一個想了解對方係咩人,有咩睇法,又俾人了解自己係咩人有咩睇法嘅角度出發。
你搵人嚟消遣,又或故作姿態,或以退為進踩自己兩腳,或自抬身價睥睨眾生等等,人哋唔係傻嘅。好多時一開口就知。係放長雙眼睇你柒到幾時啫。

內功:
金科玉律一條:識得愈多愈好。心靈愈大愈好--個人愈堅愈好。
愈叻愈唔應該會爭住認叻。愈show off 就愈turn off. 當然前題係唔好真係乜都唔識/乜都唔出聲。
唔識,問,了解,無興趣,講其他。咪怪人哋識太多無謂嘢/悶嘢。覺得嘢會悶嘅人,係悶人。

如何搭嗲?講嘢。
1)打蛇隨棍上,已有話題繼續伸延。
2)點解你真心想同依個人講嘢?你留意到乜?你同依個人講點解。(你好似我老母,你隻耳環幾得意,我都想去布拉格……)
3)共同/潛在共同話題。

如何繼續?

1) sharing,打開自己心扉,拿些給別人。
2) willing to accept / encourage ppl sharing.請他人都拿些自己出來看看。

俾人覺得怪?
Your face your fate.
講笑啫。但香港人普遍唔會開口,但唔怕同人吹兩句水。
佢覺你怪,本身都唔會share 太多,走罷啦,move on。

點解同人吹水?
因為人類嘅和諧同進步需要溝通同交流。睇書你睇同一類嘢(多數啦),但人……人類有時會出乎意料。

雖然吓吓講心,個心都需要心力。
唔好話吓吓都仆心仆命。

#當然我唔想同你講嘢嘅話你只會見到一座冰山

呆總

爾雅集總編輯,他們如此叫我,我便有如此稱號。
以文會友,不問姓甚名誰,不理江湖恩怨;勸天公抖擻,樂見世間文章不拘一格。不小器但挺怕煩。

More Posts - Website

高人指點

comments