越南妹真係咁正?

cc photo by flickr user james j8246

返咗嚟香港一星期,我居然冇寫一眾男性最想知嘅事:越南係咪真係咁多大波靚女?

如果你有Google過越南妹,啲圖簡直令你欲罷不能,睇完一張又一張,有一種想當晚就飛一轉越南嘅衝動。不過「網絡上都是最美好的」,放得自拍上網再比人流傳嘅當然係有返咁上下質素,就好似你搵日本妹好多都好唔錯,但去到你就發現條街靚女其實唔多。越南女仔普遍係白啲同身材好好多,若果你喺街只係集中望「兩球」的話,你絕對可以大飽眼福;不過樣嚟講好多女仔都只可以話係不過不失,要搵青出於藍嘅你可能要去啲高消費Club同埋企街問你揼唔揼骨嗰啲先會比較啱你心水。加上佢地衣著打扮真係老土咗小小(不過因為天氣關係,背心女通街都係),連上一代MK妹都新潮過佢地,若果你要搵個睇女嘅好地方,我諗俄羅斯烏克蘭先係你嘅天堂。

至於同佢地相處落會點呢?大部份人嘅英文都好一般,你同佢講單字好啦,長少少嘅英文佢地未必明。嗰晚落club我直頭要用Google Translation變越南文條女先明我講乜,之後佢又對住部電話講越南話再變返英文比我睇(依度真係要講句Google萬歲)。又有一日我同另一個越南妹食咗個晏同飲杯咖啡,你都唔洗旨意佢地會比錢,不過佢見枱面冇倒落檬粉隻汁又會幫我問人拎,佢個飯嚟咗又會問你試唔試,入到間鋪覺得價錢太貴(其實計返港紙都係三十幾一個飯,仲要係酒店區)又會問你洗唔洗轉第二間,如果唔係我堅持熱到咁我要搵間有冷氣嘅Cafe,佢應該會帶我去啲平一半嘅地踎檔。你可以話佢地熱情開放,識咗冇耐已經可以同你搭哂膊頭;完全唔洗擔心同佢地冇嘢講,估下佢個意思,講下幾個爛GAG,嘻嘻哈哈又兩個鐘。最後傾到佢要返工,送到佢去佢返工間Bar門口,咁我就繼續我嘅行程。

你要睇女搵Model級數嘅,越南未必係理想地方;但如果你會同當地人溝通下一齊食個飯咁的話,越南女仔依種性格就真係其實唔難。無論喺Bar定Club都好,幾個女仔一齊落嚟玩都係一件好平常嘅事,只要你肯過去打個招呼請佢地飲支啤酒差唔多九成都可以傾到落去。至於之後你地可以發展成點啦喎⋯⋯睇你功力啦。

不過Club入面唔少女仔一個人企埋一邊都係做生意嘅,如果唔想溝女溝著雞嘅話,醒目啲啦。

毛言地

你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」。Fanpiece: http://women.fanpiece.com/moyinday/

More Posts - Website

Follow Me:
Facebook

高人指點

comments