《生命計時器》(一、二)

cc photo by flickr user numb3r

《生命計時器》(一)

*黎國寶*

「好!呢杯酒係「畢業前」最後一杯同大家飲嘅酒!大家乾咗佢!」國寶雖然盡力地扮演得快樂,但大家都知道佢只係強顏歡笑。

國寶望住自己隻錶「00:59 ….00:58…00:57…」

「各位,我就快「畢業」啦,我地遲啲見啦。」講完,國寶就慢慢訓係自己親手揀嘅棺材入面。

倒數完畢。

國寶「畢業」了。場內眾人無咩任何反應,好自然。工作人員將國寶嘅遺體帶走後,大家就繼續吃喝玩樂,就連國寶父母都一樣,好似咩感覺都無。

今年國寶剛好大學畢業,21歲。

我地呢個時代,一出世就知道自己有幾長命嘅時代。
每人都會配帶一個生命計時器,睇住自己嘅生命一點一滴咁流走。

不論係他殺意外,呢個計時器都係準備無誤。所以呢個時代嘅人唔再追求長生不老,只求自然死亡,又或者活得精彩一點。

由於生命可以預計,保險公司全數結業;銀行貸款都必須要找專人黎證明生命計時器嘅準確性。
但呢啲都係商業嘅生活,最大嘅改變應該係人對生命嘅價值觀。

大家都知道自己生命有幾長,所謂嘅生涯規劃似乎無乜輪用。

國寶一家人都知道佢21歲就會死亡,呢件事一出世就知道。大家都因為佢嘅出生而歡樂,亦係同一日因為知道佢嘅死亡日期而傷心。
國寶亦算係幸福,因為好多父母見到嬰兒出世的計時器只有幾日,甚至更少。

所以佢咁多年黎做一個好兒子嘅角色,好令佢地父母覺得舒服點,有個好嘅回憶。
「命運真係只會玩我地。」

一日咁早死嘅孝順仔,偏偏佢父母就有九十幾歲命,而佢父母就要永遠記住自己個仔死亡嘅畫面,記多50年。

(二)

*馬志強*

「白痴,我35歲就收皮啦!我仲返咩工呀!?」

受訪者馬志強,他表示由知道自己生命到35歲結束時,每日都渾噩過日,隨便什麼都好,所以家人一早就放棄了他。
馬志強這類人很多,可能跟一本已經知道結局的小說一樣,無聊到極,倒不如每日飲酒吸毒,好讓時間快點過去。

計時器一日未完結,用刀插入心臟你仍然會繼續生存,問題是你胸口仍然會有一道深深嘅疤痕。
「試下嘛,雖然個個試完都唔得,但可能我係萬中無一,可以自殺死個一個呢?哈哈哈。」這句算是馬志強說過最樂觀最正面的一句話。

睡在馬志強身邊的那個……人?應該說是一堆肉塊,就是馬志強的小學同學-張立人。跟馬志強一樣,早就放棄自己人生,想選擇自殺快點完結但選擇了一個不太好嘅方法 - 跳樓。
變成一堆爛泥嘅佢,每日就要受盡飢渴折磨,可憐嘅係佢比馬志強仲要長命多2年。
可惜佢答唔到我問題,否則我真係好想訪問佢。

「其實生命係一個過程,我選擇咗咁,你地唔認同姐,唔代表呢個選擇唔好架。」某次馬志強飲醉後同我講。
「我頹廢咁過又係出年死,我正常咁過又係出年死,就算比我飛黃騰達,出年咪又係死!?結果都係一樣。」

馬志強成日都同我講佢搵唔到呢個已經有結局嘅小說有咩意義,我反問佢:「如果你有95歲命呢?」

佢無答我。

佢其實知道其他街友,同佢一齊放棄人生嘅原因根本唔係因為佢地會早死,而係佢地根本無勇氣去面對命運一早比佢地挑戰。

抱怨個世界對佢地唔公平,總係來得容易。
就正如佢地細細個開始抱怨佢父母唔係有錢人家一樣。

blow@king.com'

吹水皇

港豬廢青一名。
只想吃喝玩樂不勞而獲 不求踏實地但求公屋有期。

More Posts

Follow Me:
Facebook

高人指點

comments