騙子社會是如何鍊成的

Source:唐生大地震

Source:唐生大地震

Source:唐生大地震

喂阿哥,講大話可唔可以專業少少?

話說某玩具連鎖店攪咗一個小朋友填色比賽,但佢嘅比賽結果實在令人噢撚哂嘴--詳情閣下請睇附圖,三歲畫到呢幅畫?叫個細路上色唔好出界都難啦,真·參賽者隨時三十歲,一言以蔽之,又一單造假當真案。

如果呢個係「親子」,就唔應該叫「幼兒組」,仲要將三歲細路單一個名「獲獎」,擺明搵笨柒,更何況賽會通告已經證明呢個唔係「親子比賽」,就算它真係「親子比賽」,大家覺得三歲嘅細路喺呢幅畫上出咗乜嘢力?磨墨?刨筆?定係出咗個名當「參賽」?

制度荒謬,因為陪佢癲嘅所有人參與:學校如果見擺明係假嘅功課就DQ;大人如果仲有少少廉恥就唔好為分數而插手,呢種造假仲衰過唔做,直情害個細路 —- 呢種家長口講「你要乖要誠實」,自己卻身教「你要呃你要騙過到海就神仙」,咪以為你們個囝得嗰幾歲唔明白,或許他們當真不明白,但你哋做緊嘅醜事就係佢嘅「模範」,上樑不正下樑歪,呢啲造假造到理直氣壯嘅所謂家長,就係為自己後代思想種毒嘅罪人。

一旦整個社會上下都認為呢種造假當真冇問題,香港就真係變成寶安縣香港市,終囯騙子多過老實人都係靠呢個漸漸愚蠢嘅接受造假過程而淪落如斯。至於呢種父母習慣荒謬,仲要字都未識寫嘅細路被幫兇被同謀,如此失職嘅大人想留一個乜嘢世界俾後代?

習非成是,所以參加者都有份煉成呢個鬼地方,種惡因,得邪果,冇人係無辜嘅。所謂大人固之然仆街,賽會荒謬亦不遑多讓,呢班「幼兒」「小學」參賽者擺明係造假,所謂主辦者竟然唔係DQ呢班唯利是圖嘅賤人,仲要收哂啲請槍作品兼頒獎,香港終囯化,一葉知秋矣。

爽健

不求聞達於諸侯,只願笑傲賞江湖。

More Posts

高人指點

comments