膠事阿根廷遊記 – 食事篇:福景魚拉突飛機餐竟然好食?燒菜?英文叫唔到麥樂雞?

相當一段時間前寫完福景魚拉突嘅史詩飛行,突然發現,剛好可以開始一個series 講下近黎嘅跨洲出國。但阿根廷已經係7年前嘅事,而家睇翻資料,好多野都變左,或者講實質advice未必太有用,都係講返啲印象深刻嘢。

上回講到福景魚拉突係美帝出發去阿根廷有幾epic,出發前其實係灣區逗留係灣區兩個禮拜,但美國似乎無太多也講,林到再寫。

去到阿根廷,當然首先最關心食,但要寫就頭痛啦,當年未有「手機先吃」嘅習慣,要搵相就頭痛啦。好彩當年係出席會議,都有啲相可以「偷」,所以照寫啦。

福景魚拉突飛機餐竟然好食?

阿根廷,最出名梗係牛肉。但其實由於材料好且新鮮,點住都好難唔好食。所以唔太覺得阿根廷人會點樣特別料理,最多係燒,甚至燒到燶都唔太理。

cc photo by flickr user Everton Zanella Alvarenga

而當地用牛肉嘅程度,甚至去到去到整類似叉燒酥之類嘅snack,佢地叫 empanadas ,可以叫咗牛肉酥或者牛肉批。甚至係福景魚拉突用當地牛肉做嘅漢堡扒,都異常好食起來。(Again,當年未有「手機先吃」嘅習慣,sorry for 無圖。)

cc photo by flickr user Takashi Ota

蔬菜都照燒?

可能係當地肉食無需料理嘅關係,係阿根廷要食菜,都幾困難。(其實去阿根廷都係第一次跨洲過省,所以呢都要搵啲comfort food咁,我唔係想像中咁西嘎。)

當然一個選項,係沙律。但去到最後一日,同日本朋友同遊一個比較富貴嘅港區,竟然有間餐廳有個蔬菜拼盤嘅物體。我地都不約而同地話要呢樣嘢。

點知一上到黎,我地都嚇親,所有野都係燒嘅,茄子、番茄、洋蔥、木瓜。不過林深一層又好似唔咁怪,茄子都係煎釀三寶啦。

編按:膠總自己影der~

英文叫唔到麥樂雞?

最後一個食事好奇,就係快餐,或者牡丹樓,因為呢個其實一個幾有趣嘅指標,有時係Food bank級數,窮人恩物,但有時有啲政府係搞到貴到做唔落去。而係阿根廷牡丹樓其實算貴,可能係經濟危機掛,但竟然漢堡王係流行過牡丹樓嘅奇怪地方。

仲有阿根廷係我第一次遇到講英文係唔通嘅牡丹樓(稍後呢類事情陸續有黎)。 當我行入當地一間牡丹樓時,想叫個麥樂雞餐,見到都係英文名wor,照讀,店員係唔明嘎!

然後突然醒起呢度係講西班牙話,法文係親戚,於是將 Chicken McNuggets 當法文讀:「蝕覲覓奴矜」。跟住佢竟然明,俾咗個餐我。當然我要用法文知識聽佢講班文啲數字,尚算順利。

但當地英文唔係度度用到,幾乎用到嘅地方就係機場,同埋上邊食燒菜嘅地方咯。甚至機場入境都有問題,欲知阿根廷我記得如何,且聽下回分解。

寰雨膠事錄及週日環乳膠事錄

寰雨膠事錄及週日環乳膠事錄 (拉丁文:Vniversaliae Plasticiae Chronicon et Dominicae Vniversaliae Mammae Galeria),是一個備受部分網民好評,由專業的新聞編採人員主理,融入適量中間偏右的基督教民主主義和戴高樂主義的概念,旨在拓寬正體中文使用者,特別是盎格魯-廣東人的世界公民視野、文化多元和幽默意識、破除生活禁忌及文化禁區,增添讀者生活社交談吐元素和題材,豐富、優質、益智的趣味國際新聞網誌。

More Posts

Follow Me:
Facebook

高人指點

comments