角落餐廳

圖片來源:作者

圖片來源:作者

喺屯門最南邊屯門碼頭一帶,有一個啟豐商場,而商場入面有一間角落餐廳,一晚同咗女朋友去食。

圖左上係餐湯,味道唔錯,紅色係匈牙利牛肉湯,白色係周打蜆湯。蒜蓉包出乎意料地好,軟硬度適中,點湯食唔太硬唔太林岩岩好,而且蒜蓉味亦都夠香夠出。圖右上係主菜,分別係黑椒汁煎羊仔扒配意粉,同埋黑椒汁西冷牛扒配薯蓉。羊扒同牛扒味道同口感都唔錯,有牛同羊嘅肉汁,而且有嚼口得嚟又唔太韌。

成餐飯嘅亮點係圖下面——用酥皮包住啲田螺同其他配料嘅一道小菜。配料食得出有青椒,而酥皮、青椒、同田螺嘅配搭,出嚟個效果估佢唔到咁好。酥皮好滑,綿綿哋咁融埋咗啲田螺同青椒;田螺獨特嘅肉汁,青椒特有嘅味道,兩樣嘢又非常突出。

角落餐廳好似開業超過廿年。

算唔上好高級但又整幾好食同食得飽你嘅食物,格仔地磚同深綠色暗花牆紙,茶餐廳式嘅茶杯,Whitney Houston嘅I Will Always Love You,Air Supply嘅All Out Of Love同埋Without You——我諗,呢個就係港式扒房嘅味道同感覺。

好香港,好「傳統」,但又無乜邊樣嘢,可以稱得上係源自香港,係香港獨有。

可能就係將啲嘢夾夾埋埋,可能就係由細到大嘅回憶。

matt@faichingwriter.com'

馬特

香港人,九十後廢青一名。有話想說就寫寫文章,甚麼題材也沾點。遊玩於文字與閱讀之間。努力修行中。

More Posts - Website

Follow Me:
Facebook

高人指點

comments