係澳洲銀行遇過的客人s

cc photo by flickr user Shyam Mani

cc photo by flickr user Shyam Mani

之前都有同大家提過,袋鼠我係呢邊係銀行工作既,因為工作關係,耐唔耐都會遇到的印象比較深刻的,以下係第一個分享。

不幸總係喜歡降臨係不幸既人身上:

有位客人,英文唔係第一語言,同佢溝通其實有點困難,事沿係呢位客人一直都係交一個固定既按揭數目既,點知大約一年前,佢唔知聽邊個同事講,就交少左,然後就大鑊了,因為咁,佢一直都係跟唔上交款進度,咁另一個好資深的同事就叫佢交多少少,大約幾個月你就會追返上來,但佢就一直都收到張叫佢交錢既信,佢覺得好煩,然後又定期上來嘈…(其實我地都覺得好煩架)

直到幾個星期前,佢條數終於落入追數部門手上,影響佢紀錄都不突止,仲自動響佢戶口扣左的錢去交(因為簽按揭合同時候條款寫明左係會咁樣安排的),佢就上來鬧,話做咩會自動扣左條數……

而家件事仲處理緊,因為有部份係銀行失誤,但又唔係完全銀行錯晒先煩(因為個客人自己應該知道係一直都係交同一個數的)。 細聽之下,原來個客人有個女,由BB開始就訓左響醫院–差不多廿年,一直昏迷/植物唔郁,而呢個客人係需要照顧佢自己、昏迷的小朋友,另外一個小朋友,仲要返工、供樓…

佢有一個願望,就係希望個女有一日會醒返,可以家庭團聚。而佢等緊既基本上係一個醫學研究上既突破… 又稱奇蹟。

佢既願望幾時先等到,或者會唔會等到,其實我真係唔知,而佢個女醒返之後到底又係咪真係好事,我都唔敢講… 西澳呢排都好多人病,祝大家身體健康。

mr@roo.com'

Mr. Roo

Mr. Roo 係香港人, 不過而家住係澳洲珀斯, 八十後算是第二代working holiday香港人, 現職澳洲銀行、坐房所謂顧問果的茂里 (當然不是葉朗程的級數啦).
由working holiday時既低級打雜, 捱下捱下, 終於捱到而家大企業….. 既低級打雜, 真係除左恭喜之外, 我都唔知講咩好。
唔駛返工就食, 有得煮、有得食, 有分享, 有係香港售賣澳洲特色零食同食玩.

More Posts

Follow Me:
Facebook

高人指點

comments