阿吹的膳食房:鹽

cc photo by flickr user Larry Hoffman

cc photo by flickr user Larry Hoffman

眾所周知本皇係一位美食愛好者,不過將食物放入口再消化成糞便就樣嘢個個都識,但我自己就鍾意再研究一下美食背後嘅故意。

而我今集都同大家分享一樣平時一定會接觸到嘅食材 - 鹽

鹽呢樣嘢其實係人文史前已經出現,係古埃及時期,造作木乃伊嘅材料除咗死人之外,最重要就係鹽。

鹽係古代其實仲未成為一個流行嘅調味料,而係一樣重要嘅防腐劑。

因此有宗教而指出教眾應「作鹽作光」嘅道理,至於大家點樣了解呢句說話就要靠自己悟性啦。

【經濟】

古代人類生活並唔係依家咁方便,周圍都有超市,隨便入去就有食物買。養殖技術等等都未咁發達,食物原材料係一樣十分珍貴嘅嘢。

而保存食物就係生存嘅重要一課。

鹽可以幫食物作保存之用,因此鹽亦成為一樣十分有價值嘅商品。

係古中國,人類都係使用煮鹽同日曬去取得鹽結晶,但製鹽技術未發達,鹽唔係一樣咁簡單就可以有嘅嘢。物以罕為貴,古時嘅鹽其實相當有經濟效益,直到漢代將製鹽生產立為國有,亦稱為「官鹽」。將鹽商業國有化嘅時候,政府就可以有一筆重要收入,所以當時私賣鹽者係一種重罪,古書記載走私者係要切腳指架!

因此鹽的防腐能力令到佢成為古代一樣十分重要商品,至於一啲特別嘅鹽(我估計係依家岩鹽嘅一類)更加可以成為皇上嘅貢品。

【副產品】

由於鹽醃食品價值不菲,係以前咸菜,咸魚等等呢一類產品,都係人類係冬天或者缺糧嘅時候先至會食,更加唔好話平時煮菜可以落鹽去調味~

以前嘅人根本就唔需要擔心自己會有三高,亦因此老一輩嘅人都鍾意話自己「食鹽多過你食米」

本皇嘅媽媽亦曾經分享,自己細個係中國紅太陽年代,幼鹽都係少見嘅產品,佢都話自己曾經羨慕過隔離村嘅朋友有得用幼鹽煮菜。

時至今日,食鹽係我地日常生活當中係隨手可得,的確好難想像,平時係我地檯上面嘅鹽,原來係千幾年前係可值千金!

如果有得返去古時,大家記得拎定幾包粗鹽去發大財啦!

blow@king.com'

吹水皇

港豬廢青一名。
只想吃喝玩樂不勞而獲 不求踏實地但求公屋有期。

More Posts

Follow Me:
Facebook

高人指點

comments