你明知佢份人係咁

cc photo by flickr user Andrey Shalaev

cc photo by flickr user Andrey Shalaev

「你明知佢份人係咁,做乜仲要同佢講呢啲姐?」T仔勸緊我。
我聽完立即火多幾錢重:
「咁即係依家臭脾氣大哂?全世界都要就鳩佢一個?」

T仔越勸而出事,我真係嬲,點解出名仆街就可以有特權?

【搵交嗌】
朋友Y特別鍾意搵位Show off,好想比人知道自己有幾醒目,幾叻仔;而大家都知道我就特別鍾意挑呢款人機。

某日大家傾計講起一首歌,朋友們都吹得開心,仲唱埋出黎。朋友Y就開始黎料:
「乜你地依家先聽呢首歌咩?我1年前都聽緊啦喎。」
『係喎,好叻喎,好勁喎』

無,我無出聲,大家都無講啲咩。T仔仲繼續話:
「係呀,都幾好聽,最近聽到入哂迷。」

歡樂氣氛又繼續,不過全行都知本皇份人小氣到爆炸,已經有點不悅。

無耐大家話題轉咗搵生意,都不外乎講啲R著數嘅客人,想搵人做野但又唔比錢。
朋友Y又黎:
「其實係睇你自己識唔識做生意姐,我上次搵個JOB就已經一萬囉,傾價嘅野要睇你自己有冇口才囉!」

大家又無出聲,我終於忍唔住:

「勁啦,咁上次你話比人屈咗做個無錢JOBS最後R唔R得返份人工返黎?」

骨頭多過乜,大戰就一發不收拾。

【勸交】
朋友自然就勸我唔勸佢。
當然啦,比你揀都勸個識聽人話嗰個啦。

我串多幾句就收聲,Y都仲繼續爆。
佢覺得自己一直係最型,一講佢柒啲野佢就失控。

「你明知佢份人係咁,做乜仲要同佢講呢啲姐?」T仔都係講返呢句。

我唔順氣,係因為認屎認屁無所謂,唔好踩住人黎讚自己。
我唔順氣,係因為大家都覺得臭檔嘅人,應該避得就避。
我唔順氣,係因為大家習慣將順住惡人脾氣,先係合理。

好脾氣嘅人多數都會就人,變相一班脾氣差嘅仆街就可以經常被遷就。

【後續】
呢件事已經大約一年前嘅事,事後我同Y都傾過計,我解釋你要認叻唔緊要,小心你嘅詞語會令到人地唔舒服。
事實唔但止係得我一個覺得,只係大家習慣唔出聲去就你一個。

MAN TALK完畢,大家渣渣手就算。
點解我會寫返呢單野,因為江山易改~~~~不過今次主角唔係我。

我只係覺得
唔好認為「明知佢份人係咁」就順哂佢意。
當佢朋友其實你只係縱容佢嘅行為,佢發脾氣唔代表佢係岩。

因此今次又係我出馬去「解釋」比佢聽。

blow@king.com'

吹水皇

港豬廢青一名。
只想吃喝玩樂不勞而獲 不求踏實地但求公屋有期。

More Posts

Follow Me:
Facebook

高人指點

comments