補習社叫我扮BBC(五) 最愛大眼仔

cc photo by flickr user kryptos5

cc photo by flickr user kryptos5

為咗令呢個連載唔好咁悶,我試吓一時寫吓細路仔,一時寫吓我點睇。(押韻)

老闆之前講過老師通常鐘意教異性嘅小朋友,所以佢鐘意教女仔。最初我唔覺我有preference,但補咗一陣之後,我完全同意佢講法-我最中意果幾個全部都係男仔。而當中又以呢個大眼仔最得我歡心(面紅)

我之前已經喺我個page同自己account講過大眼仔有幾sweet,所以如果你睇過希望你唔好覺得我煩/戀童癖⋯⋯我都係趁我仲教緊佢嘅時候,記低所有珍貴嘅回憶啫,haha

話說第一日見佢,睇佢個樣就知佢係mixed,對眼大到痴線,眼睫毛長到可以long起支鉛筆,真係完全水汪汪大眼,9歲人仔眼碌碌望住你已經好得意。
一開始上堂,嘩真係坐唔定紮紮跳。讀I school真係特別多野講,同隔離位不停講野當我透明 -_- 最初教落都係覺得普通一個mixed嘅得意仔囉,無咩特別,但教咗一個月發覺佢真係好sweet⋯⋯(心心眼)

話說centre冷氣好凍,十八度真係痴咗線。所以我堂堂都著件褸同keep住飲熱水,但係我隻手都係keep住好冰好冰。有一次佢嚟上maths掛住玩周圍跳不停大叫唔肯做數,我一手捉起佢隻手叫佢揸筆開始計,掂到佢隻手果吓,佢即刻由前一秒自high fing頭大聲高歌緊,變做靜晒望住我瞪大隻眼,變溫柔lum爆tone講 ‘ oh god your hand is so cold, but don’t worry I will warm you up’,講完即刻雙手捉住我隻手幫我暖手,sweet死我~

又仲有一次,呢次仲誇。讀I school性格open完全唔出奇,咩都可以玩一餐。前兩個星期大眼仔試過玩偷錫,不停偷襲隔離個男仔,而我就好賤咁獻計,叫佢錫我個40歲老闆,點知佢真係去突襲成功!果次笑咗我好耐。

再加上佢地過度活躍症候群性格,真係無辦法馴服,所以我同好多centre好多I school學生成日都扮打架去增進吓感情,之後就大蝦細打贏佢地,要佢地乖乖地做野,而大眼仔呢啲咁好動嘅就當然係叫極都唔停,佢可以幾分鐘之內係十八度冷氣吓跳到出汗。

咁有一次呢,(一路打一路心跳加速),佢又係不停玩玩玩,我通常就係扮唔開心,因為佢唔理我,咁通常佢都會識做笑笑口講聲sorry就乖乖地專心返(幾分鐘)。到今次,我又用同一招扮sad,佢見到之後今次都係say sorry,但之後佢成個頭伸過嚟錫我一啖講’ sorry, im so sorry for what I did’,真心柔情道歉tone⋯⋯ 唔知係咪扮得多好戲咗,佢以為我真係sad⋯⋯

利申返我真係認真俾心機教,無戀童辟亦都無做啲咩引佢,佢地真係玩吓同埋當share love share joy姐⋯⋯不過果一吓真係心臟就快承受唔到⋯⋯

ding@ding.com'

dingding

最後一年留學,瘋狂打工攢錢再瘋狂浪遊。

More Posts

Follow Me:
Facebook

高人指點

comments