香港人用「便宜準則」衡量人的習性

cc photo via flickr user Mario Sánchez Prada

cc photo via flickr user Mario Sánchez Prada

做人嘅嘢,要明白世事無常,一個人「叻」、「聰明」,只係眾多重要特質嘅其中之一。
 
據說,而家 PCLL 比起十年前係難入咗好多好多,十年前 HKULLB 入 PCLL 嘅比率比起今日高一截,據稱而家差唔多得返五成六成左右係入到。
 
另一方面,而家 PCLL 每年當有 500 個位,但爭嘅人就成 2,000 甚至以上,好多英國、澳洲等地嘅留學生返黎考 PCLL 。而當中大家聽到又濕又硬嘅英國,反而仲難入。因為澳洲嘅 Law Degree 係 2nd degree ,加上讀嘅嘢實務好多,要入一樣係實務為主嘅 PCLL 反而比起注重理論嘅英國學位更易。
 
同時,香港好多進修式嘅 Law degree 要入 PCLL ,比例可能係講緊 1%,我知道有人係由呢啲途徑入 PCLL 再入行,真係好誇張。
 
又,廿幾年前,如果係去咗英國讀個 Law Degree ,返黎係唔.使.搵.工的,啲工會自動來問你搵你,但今時今日唔同晒,一定要主動出擊,又要講得又要做得。視乎不同 partner ,有時有啲 partner 中意啲人「presentable」於是請好多國際學校出身嘅人,但講實際工作其實佢哋真係無本地傳統名校出黎果班咁掂的。
 
所以,同樣一個人,同樣嘅天資、同樣嘅成績,可能十年前、廿年前係輕易入到大律師樓,做十年八載後月入七位數,但放喺今日就係連 PCLL 都入唔到「廢渣」,但一切都只係講緊時機,同埋少少運氣。好多今日 LLB 嘅畢業生如果入唔到 PCLL 可能就去做 paralegal,行嘅就係另一條路,兜遠好多,亦矮人一截。原因?其實可以同你叻唔叻無關。
 
講咁多,我係想講,其實香港人唔好再用咁多「便宜準則」去衡量一個人,例如一見佢讀 LLB 就覺得係「筍盤」,一見佢係英國返就認為必然錢途無可限量,一見佢係本地學校就覺得係廢係退聯鬼係無用。可能香港節奏太快,連認識一個人都要由 “CV” 開始,立兩眼見唔係外國LLB就馬上當人係垃圾。我覺得將生命詮釋成咁係好可悲嘅一件事。
 
但呢個亦係香港嘅常態。當大家一直話咁樣好窒息時,其實自己又往往不自覺咁樣做。

林非

離經,不欲縛於經書舊說。八十後,以追求人生自由之道為己任。

More Posts

Follow Me:
Facebook

高人指點

comments