London Sevens 外藉人士的派對

FullSizeRender (3)

所有圖片來源:作者

上年暑假喺香港有感自己未好好把握「人在英國」呢個黃金機會睇多啲現場賽事,事關香港唔單止係文化沙漠,仲要唔多資源投放係體育,近年連賀歲盃都零睇頭。所以上網做咗好多資料搜查,上年9月返黎之後去咗睇ATP world tour final(男子網球年終賽,睇唔到Federer果場但睇到梅利對錦織圭),All England badminton open(全英羽毛球錦標賽,睇咗半場先知隔離坐咗好多奧運冠軍,葡萄牙阿根廷友誼賽(美斯C朗同場較量),其實已經好滿足好感恩,但前幾日機緣巧合下(明明仲有2日考試)俾朋友引誘咗去睇呢場london sevens final。睇埋呢場,真係所有想睇嘅球類都睇晒 :DDD

FullSizeRender (4)

應該好多香港人都有印象,每年3月尾都係香港一年一度嘅盛事 hong kong sevens,係全球series入面嘅其中一個分站,果個周末,香港大球場會堆滿洋人,一家大細或者大班朋友著晒奇裝異服一路拎住一pint一路睇波歡呼,果幾晚老蘭完全淪陷,寸步難移,個個去晒狂歡。而我今次去嘅london final就係全個系列最後一站,打埋呢一站就會定出今季嘅overall champion。其實我都唔係超級fans,其他比賽我無咩點睇,淨係每年喺英國都坐喺電腦面前睇hong kong sevens live streaming,隔住個mon撐香港同all blacks。

IMG_7768

香港嘅黃牛炒到幾千蚊一張,但前幾日嘅正價飛只係25鎊,仲要坐唔滿(同朋友討論過係因為倫敦太多盛事,淨係欖球都有six nations,15人rugby etc,所以即使今次係final都無特別吸引佢地。對比喺香港叫足全場high足全場,呢面嘅節奏相對較慢,但係好多人仍然精心打扮,我地兩個都專登化咗一個鐘妝,畫到成眼都金粉但而家睇返相都覺得化得幾靚haha。配合返英國人節奏,我地都放慢腳步,慢條斯理行入場買pint啤酒坐低曬曬太陽慢慢睇,好嘆好嘆(果一刻唔記得咗自己仲有兩日考試都夠膽死去睇一日波)由1點坐到6點,不知不覺就隊咗幾pint落肚,得閒玩下人浪又跳下舞又緊張咁支持all blacks (紐西蘭隊),兩個女人玩下玩下就過咗一日,相對香港呢面係咁癲(果次喺香港真係叫足咁多個鐘⋯⋯),但極chilled,飲住野曬日光浴同時睇比賽絕對係一大享受。

IMG_7767

全日最開心,坐得前衝咗去欄杆同到all blacks嘅隊長DJ Forbes影相,人生to do list又做到一樣⋯⋯

(而最後果科考試呢,啱啱考完,應該無事,yeah。)

ding@ding.com'

dingding

最後一年留學,瘋狂打工攢錢再瘋狂浪遊。

More Posts

Follow Me:
Facebook

高人指點

comments