【朋友介紹】真係高性價比嘅超市酒

圖片來源:酒在超巿編輯

圖片來源:酒在超巿編輯

有時同酒友相約飲酒,有人定咗主題為乜乜乜之夜,大家都帶晒符合主題嘅葡萄酒出現,有時衰衰地仲有兩個講明帶咩咩咩靚年份靚酒,令到小編們工都唔想番快啲去飲酒。

講真,呢啲情況你先會去期待支酒,但如果要講超市酒,我相信冇乜酒友買完支酒番去屋企,會點樣期待開支酒,頂多係因為有酒友話呢樣係伏酒,你買咗番去好期待佢真係點伏法。

今次呢支,明眼人一睇,就知道又係Shiraz + Viognier?冇錯,但今次呢支真心係Co-Ferment,前幾日講過支係Blending嘅(延伸閱讀),同呢支真係小巫見大巫,今次呢支,小編見到佢特價嗰刻就已經等住飲!

其實早在幾星期前去過Calvin酒友嘅邊爐聚之後,就對呢支酒念念不忘,事關當日有酒友拎呢支酒上去,仲要蒙眼,結果全場人無不對佢另眼相看,一支$128嘅超市酒,竟然可以有呢個水準,其實真係物超所值。支酒來自澳洲Eden Valley,係喺小編喜歡嘅Barossa Valley嘅隔離,呢個地方出嘅酒同Barossa嘅有少少唔同,但佢都有相似嘅地方。

開完散咗啲強酒精感覺之後,佢嘅真正味道開始出嚟,好熟成黑果,收尾有好好嘅花香,而且length係出奇地長。佢唔算係十分複雜,但呢個層次可以話係頂級,小編唔敢講佢係最好飲超市酒,但飲完都要講一講呢句好多人都講,但邏輯好錯嘅說話:其中一支最好飲嘅!(係「最」又點會多過一支呢?)

(呆編按:見原文,有好酒sss)

酒在超巿

去到超市唔識揀葡萄酒?我哋幫你揀埋,我哋比意見你!

More Posts - Website

Follow Me:
Facebook

高人指點

comments